Sot në Kosovë pritet të mbajë mot kryesisht i vranët dhe me reshje të herëpashershme të miksuara bore shqote e shiu, të cilat pritet të shndërrohen në reshje shiu. Në viset malore reshje bore. Temperaturat maksimale pritet të shënojnë rritje të lehta dhe pritet të luhaten nga 5 deri në 9 gradë Celsius. Në disa vise mund të ketë edhe shi të akullt.
Në Shqipëri dhe tërë rajonin pritet të mbajë mot kryesisht i vranët dhe me riga shiu. Në viset kodrinore-malore reshje të herëpashershme bore.
Edhe të dielën na pret mot kryesisht i vranët dhe me riga lokale shiu. Në viset malore fjolla bore. Ka gjasa që të ketë shi të akullt në disa rajone.
Të hënën ulje të temperaturave dhe në Kosovë, veriun e Malit të Zi, verilindje, lindje dhe juglindje të Shqipërisë dhe viset kodrinore-malore të Maqedonisë së Veriut priten reshje bore. Në Maqedoninë Veriore priten reshje intensive shiu e më uljen e temperatruave mund të ketë edhe reshje afatshkurtra bore edhe në disa ultësira.
Nga e marta ftohtë dhe me depërtim të ajrit të ftohtë polar si dhe me reshje të herëpashershme lokale bore./MeteoBallkan