Sot në Kosovë pritet të mbajë mot kryesisht me diell dhe vranësira të pakta lokale. Temperatura shënojnë ulje të lehta për shkak të frontit të dobët, të ftohtë ajror.
Në Shqipëri, Maqedoninë Veriore, Luginë dhe Mal të Zi pritet të mbajë mot me intervale të gjata kohore me diell dhe vranësira të pakta lokale. Rrallë në disa vise priten fjolla sporadike bore.
Të mërkurën na pret mot mjaft i ftohtë në mëngjes, ndërsa gjatë ditës priten intervale të gjata kohore me diell dhe rritje të lehta të temperaturave.
Të enjten rritje të ndjeshme të temperaturave për shkak të afrimit të frontit të fuqishëm nga veriut. Gjatë natës në Kosovë pritet të fillojnë reshjet e borës, ndërsa gjatë ditës së Premte reshje bore priten edhe në Maqedoninë Veriore, Mal të Zi, Luginë dhe Shqipërinë kontientale. Pra, nga e premta rikthehet dimri me ashpërsinë e tij.
Për fundjavë na pret mot mjaft i ftohtë. Priten intervale kohore me diell, erëra të ftohta veriore dhe herë pas here edhe reshje lokale bore kryesisht në disa vise kontinentale./MeteoBallkan
