Sot në Kosovë do të mbajë mot kryesisht me diell, i nxehtë dhe vranësira kalimtare. Pasdite në disa rajone mund të ketë rrebeshe të izoluara shiu me vetëtima dhe bubullimë.
Në Shqipëri pritet të mbajë mot mjaft jostabil, vende-vende me rrebeshe të fuqishme lokale shiu me vetëtima, bubullimë dhe mundësi edhe për breshër. Reshjet nuk do të jenë gjithëpërfshirëse.
Në Mal të Zi pritet poashtu mot jostabil, pas intervaleve kohore me diell gjatë dites me zhvillime të vranësirave të cilat do të sjellin rrebeshe lokale shiu me vetëtima dhe bubullimë, kurse në Maqedoni pritet të mbajë mot kryesisht me diell. Rrebeshe lokale shiu priten në perëndim të Maqedonisë pasdite.
Të enjtën në tërë rajonin pritet mot me intervale kohore me diell dhe vranësira kalimtare. Pasdite në disa rajone në Shqipëri (qendër-jug) priten rrebeshe lokale shiu me vetëtima dhe bubullimë.
Të premtën priten ulje të temperaturave sidomos në viset kontinentale, me mundësi për ndonjë rigë të dobët shiu./Meteoballkan
