Sot në Kosovë do të mbajë mot kryesisht i vranët dhe relativisht i ftohtë me reshje të herëpashershme të dobëta shiu dhe bore.
Në Shqipëri sot poashtu vranët por reshje do të jenë më intensive sidomos gjatë kësaj nate dhe nesër në mengjes ku përgjatë bregdetit priten edhe rrebeshe shiu me vetëtima dhe bubullimë, kurse në pjesët kodrinore-malore të Shqipërisë juglindore, lindore dhe veriore priten reshje të dendura bore. Reshjet në Shqipëri do të vazhdojnë gjatë ditës së nesërme por duke u ulur në intesitet.
Edhe në Maqedoni mot i ngjashëm sikur në Kosovë pra me vranësira dhe reshje të dobëta shiu dhe bore në viset kodrinore malore.
Nga e premta do të kemi ngritje të lehta të temperaturave, por në Shqipëri dhe Kosovën veriperëndimore priten reshje lokalisht të fuqishme shiu. Në viset tjera kryesisht pa reshje. Të shtunën priten ngritje të theksuara të temperaturave dhe erëra të fuqishme herë pas here nga ana e jugut. Në tërë rajonin tonë do të kemi shkrirje të borës duke përfshirë edhe viset kodrinore-malore./Meteoballkan
