Sotnë Kosovë do të mbajë mot i ndryshueshëm dhe me intervale kohore me diell. Pasdite priten zhvillime të fuqishme të vranësirave të shiut të cilat do të kushtëzojnë rrebeshe lokalisht të fuqishme shiu me vetëtima, bubullimë dhe mundësi për breshër. Më së paku gjasa për rrebeshe do të ketë veriu i vendit.
Në Shqipëri, Maqedoninë Veriore dhe Mal të Zi pritet të mbajë mot me intervale kohore me diell dhe zhvillime të fuqishme të vranësirave konvektive të cilat do të kushtëzojnë rrebeshe lokalisht të fuqishme shiu me vetëtima, bubullimë dhe mundësi për breshër. Rrebeshe të fuqishme por jo afatgjata priten edhe në bregdet, ndërsa në disa vise priten rrebeshe mjaft intensive të cilat mund të shkaktojnë vërshime.
Të hënën na pret mot me intervale të gjata kohore me diell dhe zhvillime lokale të vranësirave. Priten edhe rrebeshe të izoluara shiu me vetëtima dhe bubullimë në disa rajone.
Nga e marta pritet mot kryesisht me diell dhe shumë i nxehtë. Temperaturat kulmojnë të mërkurën ku ajo maksimalja mund të arrijë deri në 38 gradë Celsius në Kosovë e mbi 40 në rajon./Meteoballkan
