Sot në Kosovë do të mbajë mot i freskët, me alternime mes vranësirave dhe intervaleve të gjata kohore me diell. Erërat e freskëta nga veriu dhe verilindja nuk do të “lejojnë” rritjen e temperaturave të cilat pritet të luhaten nga 7 deri në 18 gradë Celsius në nivel vendi.
Në Shqipëri dhe rajon pritet të mbajë mot me intervale kohore me diell dhe vranësira të herëpashershme. Në jug-qendër, juglindje të Shqipërisë dhe disa vise të Maqedonisë së Veriut priten zhvillime të vranësirave të shiut të cilat vende-vende pritet të kushtëzojnë rrebeshe lokale me vetëtima dhe bubullimë.
Të shtunën na pret mot i ndryshueshëm dhe pak më i ngrohtë. Priten intervale kohore me diell dhe riga të izoluara shiu, ndërsa në Shqipëri priten rrebeshe lokalisht të fuqishme shiu me vetëtima dhe bubullimë. Riga dhe rrebeshe lokale priten edhe në Maqedoninë e Veriut.
Nga e diela na pret mot i paqëndrueshëm, me intervale kohore me diell dhe vende-vende me riga shiu dhe rrebeshe lokale me vetëtima dhe bubullimë./MeteoBallkan