Sot në Kosovë do të mbajë mot kryesisht me diell, por edhe me vranësira kalimtare. Pasdite vonë në disa rajone (kryesisht në veri dhe verilindje) ka mundësi që të ketë rrebeshe lokale shiu me vetëtima dhe bubullimë.
Në Shqipëri, Maqedoni dhe Mal të Zi mot kryesisht me diell dhe me vranësira kalimtare. Do të jetë më qetë se dje.
Të hënën në Mal të Zi, Shqipërinë veriore dhe veriperëndimore dhe në disa pjesë që qendrës do të ketë rrebeshe lokale shiu me vetëtima dhe bubullimë kryesisht pasdite dhe në mbrëmje vonë.. Edhe në Kosovë pritet mot i ndryshueshëm, me intervale kohore me diell dhe mundësi për riga lokale shiu. Në Maqedoni pritet të jetë kryesisht thatë.
Të martën moti do të vazhdojë të jetë i ndryshueshëm, ku do të kemi intervale kohore me diell dhe vranësira të herëpashershme. Vende-vende mund të ketë riga lokale shiu. Mot jostabil dhe me riga lokale shiu do të mbajë edhe të mërkurën, por pjesa jugore e Shqipërisë deri në qendër dhe shumica e territorit të Maqedonisë do të kenë mot kryesisht të thatë./Meteoballkan
