Mbrëmë dhe sot rajoni ynë u përfshi nga reshje atmosferike të cilat më të dendura ishin në Shqipëri, ku pati edhe rrebeshe lokale të fuqishme shiu me vetëtima dhe bubullimë. Reshje pati edhe në Kosovë por dukshëm me intesitet më të ulët në disa rajone.
Nesër pritet të kemi rikthimin e reshjeve atmosferike në tërë rajonin. Gjatë ditës pritet të kemi reshje shiu, kurse lokalisht do të ketë edhe rrebeshe të fuqishme lokale shiu me vetëtima dhe bubullimë duke përfshirë edhe Kosovën. Gjatë mbrëmjes dhe natës pritet depërtimi i frontit të ftohtë ajror dhe ulja e ndjeshme e temperaturave, ku në viset kodrinore-malore do të ketë edhe reshje bore. Të martën do të kemi mot të ftohtë dhe me erëra dhe vranësira. Reshjet do të jenë sporadike. Natën mes së martës dhe së mërkurës ka potencial për ngrica në disa pjesë të Kosovës, Shqipërisë dhe Maqedonisë, ndërsa për Malin e Zi as mos të flasim.
Të mërkurën pritet stabilizim i motit dhe ngritje e temperaturave, ndërsa reshje të reja atmosferike priten nga e enjta e tutje./Meteoballkan
