Gjatë natës dhe mëngjesit të hershëm qendra e ciklonit të fuqishëm kalojë pikërisht mbi Shqipëri, Kosovë dhe Maqedoninë Veriore duke kushtëzuar reshje të dendura shiu. Vende-vende pati rrebeshe intensive dhe shira të rrëmbyeshëm ku pati edhe përmbytje. Cikloni po largohet nga rajoni anë në drejtim të Karpateve të Rumanisë dhe Evropës qendrore, ndërkohë një tjetër ciklon nesër do të krijohet në Mesdhe, saktësisht mes Spanjës, Francës dhe Italisë dhe ky ciklon do të rrugëtojë në drejtim të Italisë veriore.
Pas kalimit të ciklonit presioni i ajrit po rritet dhe për këtë arsye kemi erëra jugperëndimore të cilat në disa rajone janë të fuqishme nga 50 deri në 60 km-h, por këto erëra do të fillojnë të dobësohen në orët e mbrëmjes dhe gjatë natës. Reshjet e shiut kanë pushuar me disa përjashtime ku ende kemi reshje apo riga sporadike shiu. Kjo gjendje do të vazhdojë edhe nesër (e Mërkurë), pra me alternime vranësirash dhe intervaleve kohore me diell dhe nganjëherë erëra kryesisht jugperëndimore. Reshjet do të jenë simbolike dhe atë kryesisht në disa vise të Shqipërisë.
Të entjen do të kemi afrimin e ciklonit të ri të cilin e përmendëm më lartë, nga Italia veriore do të kemi zhvendosjen e një mase tjetër të fuqishme ajrore ciklonike e cila do të na sjellë reshje të reja shiu. Në Shqipëri, përsëri priten reshje intensive shiu dhe shira të rrëmbyeshëm përafërsisht në rajonet e njëjta ku pati shira të mëdha natën e kaluar. Intervale të reshjeve të dendura të shiut do të kemi edhe në Kosovë të enjtën në mbrëmje dha gjatë mëngjesin e hershëm të së premtës.
Për fundjavë pritet të kemi ulje të temperaturave dhe riga lokale shiu të cilat nuk pritet të jenë intensive. Në viset malore pritet të kemi reshje bore./Meteoballkan
