Sot në Kosovë pritet të mbajë mot kryesisht stabil, me alternime mes vranësirave dhe intervaleve kohore me diell. Temperaturat ditore pritet të shënojnë rritje të lehta dhe ajo maksimalja pritet të arrijë deri në 17 gradë Celsius.
Në Shqipëri, Maqedoninë Veriore, Mal të Zi dhe Luginë pritet të mbajë mot me alternime mes vranësirave dhe intervaleve kohore me diell. Në jug të Shqipërisë dhe veriperëndim të Maqedonisë së Veriut mund të ketë riga lokale shiu.
Ditëve të ardhshme na pret mot kryesisht stabil dhe relatiisht i ngrohtë, krahasuar me ditët e ftohta që lamë pas.
Priten vranësira dhe intervale kohore me diell. Reshje atmosferike nuk priten, përpos jug dhe lindjes së Shqipërisë ku mund të ketë ndonjë rigë afatshkurtër shiu. Temperaturat do të shënojnë rritje progresive dhe ajo maksimalja ndonjë ditë të javës mund të arrijë deri në 19-20 gradë Celsius./Meteoballkan