Masa të fuqishme ajrore ciklonike u stacionuan mbi Itali ditëve të kaluara duke kushtëzuar reshje të rrëmbyeshme dhe intensive shiu sidomos në disa zona në veri të Italisë. Këto reshje shkaktuan daljen e disa lumenjve nga shtrati i tyre duke vërshuar vendbanime të shumta.
Këto ditë kemi një anticiklon i cili përkohësisht ka përmirësuar motin në Itali dhe po ashtu do të na mundësojë edhe ne të kemi një vikend të këndshëm stabil pranveror.
Ky mot i mirë është jashtëzakonisht i mirëseardhur për rajonet e prekura nga vërshimet e mëdha në Itali dhe do të zgjasë disa ditë, megjithatë stuhi të izoluara me bubullima priten në veri të Italisë ende.
Sidoqoftë, pas përmirësimit disaditor të motit vjen një lajm jo aq i mirë, ngase gjatë javës së re masa të reja mjaft jo-stabile ciklonike do të depërtojnë në Mesdhe duke kushtëzuar krijimin e cikloneve të reja që do të sjellin reshje të reja shiu në shumë vise të Italisë. Këto reshje lokalisht do të jenë në formë të stuhive të fuqishme dhe reshjeve intensive që mund të shkaktojnë probleme të reja n ërajonet e prekura nga vërshimet, por edhe në rajone tjera.
Sa i përket territoreve tona fundjava (vikendi) do të jetë me mot stabil dhe mjaft të kënshëm pranveror.
Gjatë javës së re rrebeshet lokale të shiut do të rikthehen në viset kontinentale kryesisht në shumë vise të Kosovës dhe Maqedonisë së Veriut. Shqipëria do të ketë disa ditë më shumë me mot të mirë, megjithatë me afrimin e fronteve nga Italia edhe në Shqipëri nga mesi i javës së re priten reshje të reja shiu./METEOBALLKAN
