Arsyeja e motit mjaft jo stabil janë fushat e vazhdueshme ajrore me presion të ulët atmosferik që po depërtojnë nga Atlantiku, përmes Italisë veriore në rajonin tonë. Në Italinë veriore kemi uljen e madhe të presionit atmosferik, ndërsa në jug kemi presionin e rritur dhe për këtë arsye dhe nga dallimi i temperaturave krijohen erërat.
Erëra të fuqishme pati edhe natën e kaluar në shumë pjesë të Shqipërisë dhe Kosovës, ndërsa në disa rajone pati edhe dëme infrastrukturore. Erërat do të vazhdojnë edhe sot, ndërsa nesër do të jenë edhe më të fuqishme duke arritur shpejtësinë maksimale në disa vise deri afër 70 km/h.
Po ashtu edhe reshjet e shiut nuk do të mungojnë, ndërsa nga e enjta/premtja do të kemi edhe “invazionin siberik”./Meteoballkan