Valë të reja reshjesh atmosferike priten në rajonin tonë gjatë ditëve të ardhshme dhe ky është lajm i mirë për shkak të thatësisë esktreme në disa vise.
Reshjet e sotme do të ndërpriten përkohësisht gjatë ditës së nesërme me largimin e ciklonit drejt Evropes lindore, ndërkohë një tjetër ciklon fillon të zhvillohet fuqishëm në Mesdhe. Ky ciklon do të na sjellë reshje të reja shiu gjatë fundjavës në tërë rajonin sidomos nga e shtuna vonë dhe të dielën kur priten reshjet më të dendura dhe më gjithëpërfshirëse. Reshje lokale priten edhe gjatë ditës së hënë, ndërkohë që në vise malore do të ketë reshje bore.
Gjatë këtyre ditëve herë pas here do të kemi fuqizim të erërave për shkak të ndikimit të cikloneve të fuqishme.
Pas stabilizimit të përkohshëm të motit diku kah e marta, shumë shpejt do të kemi ciklonin më të ri i cili do të fuqizohet në Adriatikun verior duke sjellur reshje të reja atmosferike diku rreth mesjaves së ardhshme dhe bazuar në rrugëtimin e këtyre cikloneve do të kemi zbutjen e dukshme të thatësisë së madhe, ndërsa disa rajone mund të kenë edhe përmbytje për shkak të sasisë së madhe të reshjeve që pritet të ndodhin. Reshjet më të fuqishme priten në veri-veriperëndim, pjesë të qendrës dhe jug të Shqipërisë. Reshje solide do të ketë edhe në Kosovë dhe ka gjasa që në veriperëndim të Kosovës të ketë po ashtu përmbytje. Mbetet të shihet deri në infromaciont më të reja./MeteoBallkan