Cikloni Gjenovian i cili u fuqizua në mënyrë rapide pas depërtimeve të sistemeve frontale nga Atlantiku u emërtua me emrin “Boris” sepse supozohej se impakti i tij do të jetë shumë i madh dhe ashtu ndodhi.
Fatkeqësisht ky ciklon solli përmbytje katastrofike në Evropen qendrore, viktima njerëzore dhe dëme masive materiale. E sqaruam para tri ditëve dhe po e themi prapë se gjendja sinoptike favorizojë ciklonin të niset në drejtim të verilindjes së Kontinentit, por për shkak të sistemeve masive me presion të lartë atmosferik cikloni mbeti i ngujuar dhe u rikthye përsëri në formë retrograde nga lindja në drejtim të perëndimit dhe ende është duke udhëtuar në atë drejtim.
Është kjo një formë e pazakonshme e rrugëtimit të masave ciklonike, por ndodhin nganjëherë kur situata sinoptike e lejon.
Cikloni solli reshje shumë intensive në Evropen qendrore dhe pjesë të Ballkanit dhe po ashtu edhe në viset tona pikërisht ky ciklon zbuti thatësinë ekstreme.
Cikloni tani është rikthyer në Mesdhe dhe është ende shumë aktiv duke sjellur stuhi të mëdha në Itali, ndërsa sistemet e vranësirave nesër dhe deri të shtunën do të fillojnë të vijnë prapë edhe në viset tona duke kushtëzuar reshje të reja shiu e rrebeshe lokale intensive shiu me vetëtima dhe bubullimë. Reshjet nuk do të zgjasin shumë, por pritet të ndodhin në periudha të ndryshme kohore.
Ky ciklon sipas disa parashikimeve pritet të jetë aktiv deri të Premten kur edhe pritet që të shuhet përfundimisht.
Sidoqoftë, në viset tona nga nesër do të rikthehen reshjet e shiut. Reshjet nuk do të jenë pa ndërpre, por herë pas here, ndërsa orëve të pasdites mund të ketë zhvillime të rrebesheve lokale të shiut me vetëtima dhe bubullimë./MeteoBallkan
