Cikloni i fuqishëm i pozicionuar në jug të Ukrainës dhe veri të Detit të Zi po shkakton reshje të fuqishme bore dhe stuhi dimërore në shumë pjesë të Turqisë edhe pse jemi gati në mes të mujit Prill. Ankaraja është goditur sot nga stuhi të fuqishme dhe reshje të dendura bore, ndërsa edhe shkollat janë mbyllur sot në shumë pjesë të kryeqendres turke.
Fatmirësisht për viset tona qendra ciklonike gjendet kogja larg dhe ndikimi i ciklonit do të jetë më i vogel, megjithatë këto masa ajrore jo-stabile do të ndikojnë edhe ditën e Shtunë në viset tona me reshje kalimtare shiu dhe erëra lokalisht të fuqishme nga veriut, pra kemi të bëjmë me sistemin e përbashkët ajror, por i cili te ne ndikon dukshëm më pak krahasuar me Turqinë dhe disa vende përreth.
Stuhi të fuqishme dhe reshje të dendura bore priten në Turqi sot, por edhe ditëve të ardhshme në shumë pjesë të Turqisë do të ketë reshje të reja bore sepse sistemet ajrore me origjinë polare do të ndikojnë në Turqi për disa ditë duke i shtyrë gjithnjë në drejtim të veriut dhe lindjes së Turqisë.
Në viset tona këto masa ajrore do të ndikojnë edhe të shtunën dhe nga e diela do të kemi tjera masa ajrore dukshëm më të ngrohta dhe më stabile, edhe pse jo tërësisht stabile sepse gjatë javes së re do të ketë shanse për rrebeshe lokale shiu nga një tjetër masë ajrore ciklonike, por e cila është e ngrohtë.
Dimri polar po vazhdon në Turqi edhe pse jemi në mes të Prillit, ndërkohë fatmirësisht në territoret tona do të kemi rritje të ndjeshme të temperaturave nga e diela si pasojë e ndikimit të masave ajrore mesdhetare dhe ato me origjinë nga Afrika veriore./MeteoBallkan
