Reshjet e këtyre ditëve në territoret tona ishin jashtëzakonisht të mirëseardhura, por fatkeqësisht disa rajone pësuan keq nga breshri dhe dëmtimet që sjellë ky fenomen natyror.
Reshjet ishin dhe janë në kuadër të ciklonit evropian i cili në Evropë solli dëmtime katastrofike dhe viktima në njerëz, por famtirësisht fuqia e ciklonit nuk ishte e madhe në rajonin tonë për të shkaktuar dukuri të tilla.
Cikloni do të ndikojë në kushtet sinoptike në rajonin tonë edhe dy ditë për të ikur pastaj dhe vendin e tij do ta zënë masa stabile ajrore anticiklonike.
Pra, edhe dy ditë priten vranësira dhe reshje shiu. Vende-vende edhe rrebeshe shiu me vetëtima dhe bubullimë të cilat mund të shkaktojnë edhe vërshime afatshkurtra.
Nga e mërkura na pret stabilizim i plotë i motit dhe rritje e temperaturave në viset bregdetare. Në Kosovë do të vazhdojnë të depërtojnë masa të freskëta ajrore me origjinë kontinentale nga verilindja e Evropës dhe për këtë arsye edhe pse do të kemi diell nuk priten rritje të mëdha të temperatura deri afër fundjavës kur Afrika Veriore pritet të “merr përsëri pushtetin” mbi tërërajonin tonë duke rritet temperaturat dhe duke shkaktuar valë të re të nxehtësisë tropikale.
Nga e mërkura e enjta në bregdet dhe vise tjera mesdhetare më nxehtë, ndërsa në viset kontinetale me intervale me diell por ende freskët. Gjatë fundjavës nxehtë dhe me diell në tërë rajonin.
Informacione tjera më të detajuara gjatë ditëve të ardhshme./Meteoballkan
