Sipas ecurive aktuale sinoptike në mesin e javës së ardhshme gjegjësisht të Mërkurën në qendër të Detit Adriatik do të krijohet një ciklon jashtëzakonisht i fuqishëm i cili do të sjell reshje të fuqishme bore Ballkanit Verior dhe pjesëve më të mëdha të Ballkanit perëndimor. Sipas parashikimeve të sontme Kroacia, Bosnja dhe Heregovina, Mali i Zi, jugperëndimi dhe perëndimi i Serbisë, veriu, lindja dhe juglindja e Shqipërisë do të përfitonin reshje të fuqishme bore. Nëse realizohet ky parashikim reshje më të pakta bore do të ketë në Slloveni dhe si zakonisht në qendër dhe lindje të Kosovës. Reshje të dendura bore do të përfitonin edhe shumë pjesë të rajonit të Dukagjinit.
Gjithsesi duhet theksuar se ndryshime do të ketë në parashikim në kuptimin e sasisë dhe zonave ku do të përqëndrohen reshjet e mëdha të borës dhe kjo është e paevitueshme por cikloni është pothuajse i sigurtë. Se si do të zhvillohen ngjarjet dhe cilat rajone do të bllokohen apo paralizohen totalisht nga reshjet e fuqishme të borës do ta mësojmë ditëve të ardhshme dhe do tju njoftojmë me kohë.
Cikloni do të krijohet në Italinë veriore dhe me të hyrë në Detin Adriatik do të “mbushet” me lagështirë dhe në kontakt me ajrin e ftohtë siberik në rajonin tonë pritet të fuqizohet dhe të shkaktojë reshje të fuqishme bore në rajonet që i cekëm më lartë. Ju lutemi mos pyetni për specifika sepse gjithsesi do të ketë ndryshime dhe ne do tju mbajmë të informuar./Meteoballkan.
