Cikloni Tropikal Owen është bërë cikloni i parë i dhjetorit për t’u zhvilluar në Detin Koral që nga viti 1997. Ky nuk është një sistem veçanërisht i fuqishëm dhe si i tillë, qasja e tij drejt bregut lindor të Australisë është potencialisht një lajm i mirë.
Stuhia është aktualisht e vendosur në veriperëndim të Kaledonisë së Re dhe pritet të sjellë një shi shumë të nevojshëm në pjesët e goditura nga thatësira të shtetit Queensland gjatë ditëve të ardhshme.
Owen ka prodhuar erëra afër 95km / h gjersa pritet të zvogëlohet në stuhi tropikale të ulët gjatë natës. Mbetjet e Owen-it janë parashikuar më pas të kalojnë në verilindje të Queensland më vonë këtë javë.
Ka një sasi të madhe pasigurie në detaje të asaj lëvizjeje, por re edhe lagështia në rritje tashmë po ul temperaturën pas asaj që ka qenë një nga nëntorët në rekord për pjesë të shtetit.
Sipas Byrosë Meteorologjike të Australisë, muaji i kaluar ishte në përgjithësi nëntori i katërt më i ngrohtë.
Mali Stuart ishte vendi i nxehtë i shtetit me një temperaturë të lartë prej 45.2C më 26 nëntor. Temperaturat e larta dhe erërat e nxehta të thata çuan në më shumë se 135 zjarre, shumë zona prej të cilave ende po digjen.
Ditët e ardhshme mund të shohin një ndryshim të mirëpritur. Stuhitë po grumbullohen, disa prej të cilave mund të sjellin shumë shi këtë javë.
Meteorologu i Byros, Kimba Wong tha se varësisht se ku godasin stuhitë, disa zona mund marrin 50 mm shi në një rrebesh.
