Reshjet e fuqishme dhe të pandërprera që kanë përfshirë Bosnën dhe Hercegovinen kanë shaktuar vërshime katastrofike atje, ndërsa sot raportohet se një fëmijë nëntë vjeçar ka humbur jetën si pasojë e rënies në një prej kanali ujor i cili ishte i mbushur me ujë të rrëmbyeshëm si pasojë e reshjeve të fuqishme atmosferike.
Ngjarja tragjike ka ndodhur në Komunen e Zhepces, ndërsa Bosnja dhe Hercegovina edhe sot po vazhdon betejën e saj me ujin dhe vërshimet masive. Në shumë Komuna është shpallur gjendje e jashtëzakonshme, kurse në ndihmë popullates kanë dalur edhe ushtria të cilën kanë krijuar edhe shtabin emergjent të krizave natyrore.
Cikloni sot ka përfshirë edhe Kosovën dhe më vonë edhe Maqedoninë e veriut ku ka reshje atmosferike, rrebeshe lokalisht të fuqishme shiu me vetëtima dhe bubullimë si dhe erëra të fuqishme. Në orët vijuese pritet vazhdimi i reshjeve dhe mund të ketë edhe vërshime lokale. Vend për panik nuk ka, për kujdes po./Meteoballkan
