Siç shihet në fotografi qendra ciklonike do të rrugëtojë nga Afrika Veriore në drejtim të Detit Tiren afër Italisë ku do të arrijë të hënën. Ky ciklon do të shkaktojë destabilizim të fuqishëm të motit ditën në hënën që nga Sllovenia, Kroacia, Bosna dhe Hercegovina, Serbia, Mali i Zi dhe pjesërisht edhe Shqipëria dhe Kosova.
Në shtetet e lartëpërmendura priten procese të bujshme atmosferika siç janë rrebeshet e shiut, vetëtima bubullimë dhe mundësi edhe për breshër. Cikloni do të prekë edhe pjesë të Kosovës dhe Shqipërisë, me reshje lokale shiu, por tek ne reshjet do të jenë më të dobëta në krahasim me vendet e rajonit. Megjithatë edhe tek ne vende-vende apo lokalisht priten rrebeshe shiu me vetëtima dhe bubullimë. Pra, përpos intervaleve kohore stabile siç ishte dita e djeshme dhe do të jetë pjesa më e madhe e ditës së sotme, nga mbrëmja dhe nata e ardhshme priten fillimisht reshje kalimtare shiu, ndërsa edhe të hënën priten reshje të herëpashershme dhe lokale shiu të shoqëruara vende-vende edhe me ndonjë vetëtimë dhe bubullimë.
Informacione më të freskëta gjatë ditës në Meteoballkan./Meteoballkan
