Cikloni i fuqishëm i cili tani gjendet mes përmes Italisë Qendrore, që nga Deti Tiren deri në jug të Detit Adriatik po kushtëzon vranësira të dendura në rajonin tonë dhe reshje atmosferike të llojit dhe intensitet të ndryshëm. Gjatë natës në Kosovë pati reshje intensive shiu, reshje këto shumë të mirëseardhura pas një kohe të gjatë thatësie intensive. Në viset e larta malore pati edhe reshje bore.
Gjatë orëve të ardhshme kufiri i reshjeve të borës do të ulët në territorin e Republikës së Kosovës duke kushtëzuar reshje bore edhe nëpër ultësira, gjithmonë duke pas para sysh se do të ketë disa rajone ku nuk do të ketë fare reshje bore dhe fajtor për këtë janë temperaturat e larta dhe fronti i nxehtë mesdhetar i cili është shumë afër territorit tonë. Përpos reshje të shiut, shqotës dhe bores sot dhe nesër në Kosovë priten edhe reshje të shiut të akullt në disa rajone prandaj apelohet për kujdes të shtuar në komunikacion, për shkak se shiu i akullt mund të jetë jashtëzakonisht i rrezikshëm në komunikacion.
Pra, sonte në Kosovë priten edhe reshje bore, vende-vende intensive dhe mjaft estetike, por bora nuk do të jetë e qëndrueshme sepse priten ngritje të shpejta të temperaturave nga e hëna dhe po ashtu pritet që shiu të shndërrohet në borë, shi të akullt dhe anasjelltas varësisht nga lëvizja dhe trajektorja e ciklonit dhe masave ajrore.
Për dimër të vërtetë dhe afatgjatë do të duhet të presim ende.
Përndryshe ky ciklon do të sjellë reshje të dendura bore në Mal të Zi dhe Bosnjë dhe Hercegovinë duke quar trashësinë e borës të paktën deri në një gjysmë metër. Në jug të Malit të Zi, viset bregdetare shqiptare dhe Hercegovinë priten rrebeshe intensive shiu me vetëtima dhe bubullimë. /Meteoballkan
