Reshje shiu nga Italia kanë përfshirë shumë pjesë të Shqipërisë dhe Kosovës, ndërsa qendra ciklonike pritet të kalojë përmes territoreve tona në drejtim të lindjes së Evropes. Cikloni në territoret tona po kushtëzon erëra të ngrohta nga juglindje, vende-vende të fuqishme dhe rreshje e rrebeshe lokale shiu të cilat nganjëherë pritet të intensifikohen, por nesër do të ketë edhe intervale kohore me diell.
Nesër vonë do të kemi intensifikim të sërishëm të reshjeve dhe ulje të temperaturave, ngase cikloni do të kalojë nga territoret tona në lindje drejt Rumanisë dhe Ukrainës. Si pasojë në drejtim të vendeve tona do të fillojnë të fryjnë erëra të ftohta nga veriu e verilindja të cilat do të fuqizohe të hënën duke kushtëzuar ulje të ndjeshme të temperaturave dhe reshje të herëpashershme bore.
Pas kalimit të ciklonit nga veriu do të vijë fronti i ftohtë i pasuar nga ajri mjaft i ftohtë me origjinë polare.
E tëra kjo gjendje sinoptike është krejtësisht normale për këtë periudhë kohore dhe i ftohti do të jetë krejtësisht normal dhe pa kurrfar ekstremi. Reshjet e borës do të paraqiten në shumë zona, por nuk pritet borë shumë e madhe. Rekomandohet kujdes shumë i madh në komunikacion për shkak të ngrirjes së rrugëve sidomos vonë të hënën.
Nga e marta na pret mot kryesisht i thatë, por mjaft i ftohtë për shkak të ardhjes së anticiklonit të fuqishëm kontinental nga veriperëndimi. Ky anticiklon largon përkhësisht vranësirat e reshjet por mbanë ajrin e ftohtë polar në vendet tona./MeteoBallkan
