Cikloni i fuqishëm ka përfshirë Italinë dhe disa shtete ballkanike, deri më tani raportohet edhe për tornado në Italinë qendrore, ndërsa në Slloveni një person ka humbur jetën si pasojë e goditjes nga rrufeja.
Cikloni ka përfshirë edhe bregdetin kroat ku ka stuhi të fuqishme lokale me vetëtima, bubullimë dhe breshër.
Në orët e ardhshme apo gjatë mbrëmjes dhe natës cikloni do të shtrihet që nga Italia jugore, pasta në Mal të Zi dhe Shqipëri. Rrebeshet më të fuqishme priten në Mal të Zi dhe veri-veriperëndim të Shqipërisë. Rrebeshe shiu me vetëtima dhe bubullimë priten edhe në Kosovë, por modelet indikojnë se nuk do të jenë të fuqishme sikur në shtetet përreth, megjithatë modelet në këto raste mund të gabojnë në nuanca të caktuara dhe se krijimi i vranësirave të fuqishme konvektive mund të jetë i paparashikueshëm, prandaj mendojmë se edhe disa pjesë të Kosovës mund të goditen nga stuhi potencialisht të fuqishme./Meteoballkan
