Sot në Kosovë do të mbajë mot kryesisht me diell dhe mjaft i nxehtë. Pasdite në disa rajone priten zhvillime të vranësirave të cilat mund të sjellin rrebeshe të izoluara shiu me vetëtima dhe bubullimë.
Në tërë rajonin nesër mot kryesisht me diell dhe mjaft i nxehtë, pra pritet ngritje e temperaturave.
Nesër do të kemi fuqizimin e masave të nxehta me origjinë nga Afrika Veriore në tërë rajonin. Pritet të kemi mot kryesisht me diell dhe edhe më i nxehtë. Pasdite në disa rajone kryesisht kodrinore-malore në Kosovë mund të ketë rrebeshe të izoluara shiu me vetëtima dhe bubullimë.
Nga e premta priten ditë tropikale në tërë rajonin me temperatura maksimale mbi 30 gradë celsius, Në Shqipëri dhe Maqedoninë e Veriut temperaturat mund të arrijnë deri në 38-39 gradë celsius, kurse në Kosovë rreth 35-36 gradë celsius ajo maksimalja. Edhe për fundjavë na pret mot mjaft i nxehtë dhe kryesisht me diell. Të dielën pasdite në disa rajone në Kosovë mund të ketë zhvillime vranësirash të cilat mund të sjellin rrebeshe lokale shiu me vetëtima dhe bubullimë./Meteoballkan
