I shëruari i parë nga koronavirusi ka lënë pasditen e sotme Spitalin e Infektivit.Ai do të mbyllet në shtëpi edhe për 14 ditë të tjera dhe do jetë nën vëzhgimin e mjekëve të Infektivit.
Ministria e Shëndetësisë ka njoftuar për shërimin e dy pacientëve nga koronavirusi, kontakte të pacientit zero.
Në 24 orët e fundit janë shenuar 6 raste të reja duke shkuar në 76 numri i të prekurve me koronavirus.
Në spitalin Infektiv ndodhen aktualisht 37 pacientë të shtruar. 4 prej tyre janë në terapi intensive, në situatë të njëjtë klinike.
Harta e shperndarjes se COVID nuk ka ndryshuar. Ndërsa nga totali i rasteve të konfirmuara, 59% janë meshkuj dhe 41% janë femra.
Mbi 70% e të infektuarve nga ky virus janë lolakizuar në kryeqytet, i ndjekur më pas nga Fieri.
Ndërsa shpërndarja gjeografike e rasteve positive, është si vijon:
• Tiranë 55 qytetarë
• Durrës 5 qytetarë
• Lushnje 2 qytetarë
• Elbasan 2 qytetarë
• Fier 8 qytetarë
• Rrogozhinë 2 qytetarë
• Kavajë 2 qytetarë
Janë shënuar deri tani dy raste humbje jete.
