Të Premten në Kosovë pritet të kemi mot kryesisht me diell dhe relativisht të ngrohtë në mes të ditës. Mëngjesi do të jetë shumë i ftohtë dhe me acar sepse temperaturat gjatë natës dhe mëngjesit të hershëm do të zbresin nga -2 deri në -4 gradë Celsius. Temperaturat maksimale pritet të arrijnë dhe të luhaten nga 11 deri në 15 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi pritet të mbajë mot kryesisht me diell. Pas një mëngjesi mjaft të ftohtë dhe në shumë rajone me ngrica apo acar dita shënon rritje rapide të temperaturave, kurse pasdite vende-vende priten vranësira të shtresave të larta atmosferike.
Për reshje atmosferike as që bëhet fjalë.
Fundjava vjen me mëngjese të ftohta dhe ditë relativisht të ngrohta. Priten intervale me diell, por edhe vranësira të herëpashershme lokale. Vranësirat do të jenë të pakta dhe dielli do të jetë dominues, por mëngjeset vende-vende do të vazhdojnë të sjellin acar./MeteoBallkan
