Më në fund, dimri ka përfshirë fuqishëm edhe rajonin. Dje dhe gjatë natës së kaluar reshje të fuqishme bore kishte në të gjithë Kroacinë, e po ashtu nga reshjet u përfshi edhe kryeqyteti kroat Zagrebi, ku sipas të dhënave të DHMZ, këtë mëngjes, në orën shtatë, kishte 10 centimetra oorë.
Nga Zagreb Holding, thonë se për shkak të kushteve të motit, kujdes shtesë duhet nga të gjithë pjesëmarrësit e trafikut.
Në Gorski kotar dhe Lika raportohet për deri në gjysmë metre borë! Liqenet e Plitvicës kanë një thellësi dëbore prej 40 centimetra, ndërsa në Gospiç është 48 centimetra. Në Ogulin, shtresa e dëborës është 26 centimetra.
Në Slavoni, Zagorje ka 5 deri në 20 centimetra borë.
Mot kryesisht i vranët dhe me reshje bore do të mbajë edhe sot në Kroaci, veçanërisht në pjesët perëndimore të vendit.
Në Adriatik reshje shiu, në jug stuhi më të theksuara kurse në veri reshje bore. Periudha me diell do të ketë kryesisht pasdite në lindje dhe në jug të vendit. Era do të jetë kryesisht e dobët. Në Adriatikun e veriut ka po fryn bura e fuqishme që gradualisht pritet të dobësohet gjatë ditës.
