Përpos të gjithë izolimit, viktimave dhe infektuarve një nga të mirat që solli kjo pandemi është përmirësimi i cilësisë së ajrit. Kjo gjë është dukur më së shumti në dete, por edhe në mjegullnajat e krijuar mbi “kurorën” e qiellit e cila këto kohë për shkak të izolimit ka qenë më e tejdukshme. Izolimi i COVID-19 ka lënë shenjat e saj pozitive edhe në Turqi, më konkretisht në Stamboll.
Deti i zi, që përshkon mes për mes “Urën e Bosforit”, është parë tejet i kaltërt kohët e fundit, pamje kjo që në të kaluarën vështirë se e gjeje.
Megjithatë duhet theksuar fakti që Turqia vijon të mbetet ende një vatër aktive e koronavirusit dhe vendi ende është duke ndjekur masat strikte për të parandaluar përhapjen a pandemisë. Kujtojmë që deri më tani në Turqi janë regjistruar 159,797 të infektuar, ndërsa 4,431 të tjerë janë shpallur të vdekur, shkruajnë mediat e huaja.
