Vranësira të dendura kanë përshirë Evropen juglindore, gjegjësisht rajonin tonë, Greqinë dhe Bullgarinë ku ka reshje atmosferike. Bora e parë po bjen në ultësirat e Bullgarisë për shkak se atje temperaturat e ulëta nga lindja favorizojnë reshjet e borës, ndërsa ne më afër Mesdheut ende pa reshje bore nëpër ultësira.
Cikloni në këto paste është pozicionuar në Detin Jon dhe po shkakton reshje shiu nëpër shumë ultësira e bore nëpër viset malore.
Reshjet do të vazhdojnë gjatë ditës së sotme dhe pritet të ndërpriten në mbrëmje.
Përderisa kemi hyrë në muajin e fundit të vitit, muaj i cili simbolizon dimrin rajoni ynë ende nuk po përfiton reshje bore të cilat janë gjithnjë e më të rralla viteve të fundit sidomos gjatë këtij muaji. Kështu pritet të jetë edhe fillimi i Dhjetorit 2022, pra pa ndonjë skenar dimëror, përpos viseve malore. Reshje afatshkurtra bore mund të ketë edhe në disa zona pak më të ulëta, por pa skenar dimëror.
Përndyshe Evropen e pret një gjendje jashtëzakonisht dinamike sinoptike gjatë këtij muaji po ashtu edhe rajonin tonë, por fillimisht parashihet që Evropa të gjendet në sektorin e ftohtë të masave gjigande ajrore e ne në sektortin e ngrohtë. Goditje dimërore të fuqishme do të ketë Evropa veriore, për tu shtrirë në Britaninë e Madhe gradualisht dhe pastaj drejtë pjesëve të ndryshme të Evropes perëndimore e qendrore ku priten reshje të dendura lokale bore. Në viset tona do të vazhdojnë reshjet e herëpashershme të shiut deri në momentin kur ajri i ftohtë të gjejë ndonjë korridor të vijë edhe te ne, por kjo nuk po shihet ende./MeteoBallkan
