Sot në Kosovë do të mbajë mot me intervale kohore me diell dhe vranësira kalimtare, të cilat në orët e pasdites mund të sjellin riga kryesisht të dobëta lokale shiu.
Në Shqipëri, Maqedoninë Veriore dhe Mal të Zi do të mbajë mot me intervale të gjata kohore me diell por edhe me vranësira kalimtare. Rigat eventuale të shiut do të jenë mjaft të rralla dhe të izoluara.
Nesër në tërë rajonin pritet të kemi ngritje të temperaturave. Pra do të kemi mot me diell dhe vranësira kalimtare si pasojë e afrimit të ciklonit më të ri i cili pritet javën tjetër. Para ardhjes së ciklonit mbi rajonin tonë do të kemi depërtimin e masave pak më të nxehta ajrore.
Të shtunën pritet të kemi zhvillim vranësirash dhe reshje shiu fillimisht në Shqipëri dhe Mal të Zi, kurse gjatë pasditës edhe në Maqedoni dhe Kosovë. Lokalisht priten reshje të dendura shiu, vende-vende do të ketë edhe rrebeshe shiu me vetëtima dhe bubullimë.
Informacione dhe detaje më të zgjeruara për fundjavën që po vije do të kemi më vonë ose më së largu ditën e nesërme./Meteoballkan
