Shtetet e Bashkuara të Amerikës do të goditen ditëve të ardhshme nga masa të fuqishme ajrore Arktike të cilat do të kushtëzojnë ulje mjaft të forta të temperaturave dhe stuhi lokale bore. Temperaturat pritet të ulen deri në -25 gradë Celsius në disa rajone të Shteteve të Bashkuara të Amerikës, ndërsa masa gjigande ajrore nga Arktiku pritet të përfshijë shumicen e territorit të SHBA- së, normalisht me përjashtim të jugut dhe perëndimit të Kontinentit të Ri. Në Kaanada ulja e temperaturave do të jetë edhe më e theksuar.
Në anën tjetër vazhdon moti relativisht i ngrohtë në Kontinentin e vjetër. Përderisa Amerika pritet të goditet nga masa ajrore arktike në Evropë pritet të depërtojnë masa të ngrohta ajrore nga Oqeani Atlantik. Këto masa ajrore pritet të jenë të paqëndrueshme dhe të shkaktojnë reshje të herëpashershme shiu që nga Portugalia deri në Gjermani. Në Alpe priten reshje të reja bore ditëve të ardhshme.
Sa i përket kushteve dimërore për momentin vetëm Evropa lindore do të përjetojë goditje dimërore nga një masë mjaft e ftohtë ajrore nga Siberia. Masa e ftohtë ajrore do të zhvendoset në Ukrainë duke ulur ekstremisht temperaturat dhe pritet të shtrihet deri në Rumani dhe Bullgari. Sipas ecurive aktuale sinoptike kjo masë e ftohtë ajrore nuk pritet të arrijë në viset tona, ose mund të arrijë e dobësuar dhe të tërhiqet shpejtë.
Pra, në shumicën e Kontinentit Evropian do të vazhdojnë temperatura relativisht të larta për këtë periudhë kohore, me përjashtim të lindjes së Evropes dhe disa vise në veri të Evropes dhe Skandinavisë ku priten ulje të theksuara të temperaturave pas disa ditëve. Bora e parë pritet të bjerë në ultësirat e Rumanisë dhe Bullgarisë dhe ndoshta edhe në Bosnjë dhe Hercegovinë. Sa i përket ultësirave tona ende nuk pritet të ketë reshje bore./MeteoBallkan
