Kujtojmë disa nga dimrat më brutalë evropianë të 100 viteve të fundit. Fokusi i të gjithë hemisferës në dimrin 2011-12 ishte në Evropën kontinentale nga fundi i janarit deri në mes të muajit shkurt të vitit 2012, kur Evropa u godit nga një i ftohtë i madh. Ky dimër do të mbahet mend sidomos në Europën Lindore.
Vala e ftohtë në vitin 2012 ishte një valë vdekjeprurëse që filloi më 27 janar 2012 dhe solli borë dhe temperatura shumë të ulëta në pjesën më të madhe të kontinentit evropian. Janë raportuar 824 vdekje. Temperaturat veçanërisht të ulëta goditën disa vende të Evropës Lindore dhe Veriore, duke arritur deri në -39.2 ° C (-38.6 ° F) në Finlandë. Dëbora më e madhe u regjistrua në rajonin e Ballkanit. Moti i ftohtë ishte rezultat i një presionit shumë të lartë që ndodhej në pjesën veriore të kontinentit në veri të Rusisë, që sillte ajrin e ftohtë nga lindja.
Harta e anomalisë së së temperaturave në Evropë midis 29 janarit dhe 4 shkurtit 2012. Gjysma veriore e Evropës u prek kryesisht nga të ftohtit e madh. Dëbora e javës së tretë të janarit ishte deri në 1 m për disa ditë, veçanërisht duke prekur Sllovakinë dhe Bullgarinë.
Në Kuusamo, në kodrat e Finlandës lindore, temperaturat -39.2 ° C (-38.6 ° F) u regjistruan më 2 shkurt, temperaturat më të ulta në Evropë. Fshati Kvilda në Sumava (Republika Çeke) regjistroi temperaturat prej -38.1 ° C (-36.6 ° F) më 3 shkurt, temperaturat më të ulëta në Evropën Qendrore. Ukraina u prek veçanërisht nga fillimi i motit të ftohtë, në fund të janarit, temperaturat ranë poshtë -30 ° C (-22 ° F), në kohën kur dëbora ishte të paktën 30 cm, më 3 shkurt, mbi 100 cm (3.3 ft), dhe deri në fund të javës së parë të shkurtit, mbi 130 cm u regjistrua.
Shtetet Baltike gjithashtu regjistruan temperaturat deri në -30 ° C . Moska njoftoi se, që nga fillimi i javës së fundit të janarit, temperaturat e natës shkonin deri në -25 ° C.
Italia, Ballkani dhe Danubi përveç motit të ftohtë ishin të prekur edhe nga reshjet e mëdha të borës; .Vala e ftohtë e mbuloi Magrebin në Mesdheun perëndimor, si dhe Egjeun, Turqinë dhe Levantin në pjesën lindore të zonës së Mesdheut. Në Bolonjë ra 94 cm borë midis 1 dhe 12 shkurtit me një lartësi maksimale në tokë prej 65 cm ; 190 cm ranë në Cesena (30 metra mbi nivelin e parë) me lartësi maksimale prej 120 cm dhe 326 cm ranë në Urbino ku akumulimi i dëborës në tokë arrinte 2 m . Edhe Turqia, Spanja dhe Portugalia u goditën nga temperatura të ulëta në fillim të shkurtit, temperatura nganjëherë ndjeshëm nën pikën e ngrirjes.
Dëborë ra edhe në Majorca për herë të parë që nga viti 1956, madje edhe në Algjer, Algjeri, në Tunizin[ jugore në Gabes. Në Itali kishte ndërprerje të mëdha të energjisë elektrike (deri në 120,000 njerëz pa energji elektrike) si dhe ushtria duhej të ndërhynte për largimin e borës.
Në Bosnje dhe Herzegovinë, dimri i këtij viti ishte një nga më të ftohtët gjatë 100 viteve të fundit. Niveli i dëborës në kryeqytet, Sarajevë arrinte 111 cm dhe në Mostar 86 cm Më 5 shkurt në Sarajevë, 5 persona vdiqën për shkak të motit të ftohtë në 3 orë. Dëbora dhe temperaturat e ulëta qëndruan deri në muajin mars, kur thatësira goditi vendin. Në mars, as 1 litër reshje nuk ra në të gjithë vendin. Në Sarajevë shtresa e borës qëndroi deri në prill. Vala e ftohtë vrau diku nga 15 deri në 50 njerëz.
Kroaci – Që nga 6 shkurti, tre vetë vdiqën, dhe shumë fshatra mbetën të bllokuara veçanërisht pranë Vrgorac dhe Imotski. Rajoni i Dalmacisë ishte më i prekuri nga stuhia duke ndërprerë furnizimin me energji elektrike dhe bllokuar trafikun për shkak të reshjeve të mëdha të borës madje edhe në disa qytete bregdetare. Spliti përjetoi një rrebesh rekord prej 25 cm borë.
Kosovë – temperaturat shënuan ulje dramatike edhe në Kosovë dhe u shënuan reshje gati rekorde bore në shumë pjesë të territorit.
Vlen të përmendet edhe tragjedia e Restelicës së Dragashit ku një ortek i madh bore shembi shtëpitë duke shkaktuar edhe viktima.
Nga kjo fatkeqësi natyrore vdiqën 10 persona duke mbijetuar vetëm në atë kohë 7 vjeçarja, Amsera Reka.
Turqi – Më 31 janar, bora e madh përfshiu Stambollin, duke mbuluar Xhaminë e Kaltër. 102 fluturime u anuluan në Aeroportin Ndërkombëtar Ataturk. Rreth 140,000 njerëz të pastrehë nluftuan të përballojnë temperaturat prej -4 ° C dhe mbi 30 centimetra borë.
Ukrainë – Më shumë se 100 njerëz të pastrehë kanë vdekur ndërsa temperaturat kanë rënë aq ulët duk prekur -35 ° C. Furnizimet me gaz ishin duke u ulur. I ftohti çoi në më shumë se 600 njerëz që u trajtuan për shkak të ngrirjes dhe hipotermisë brenda tri ditëve, sipas zyrtarëve. Gati 24,000 njerëz kërkuan strehim gjatë atyre tri ditëve, njoftoi BBC. Në Ukrainën perëndimore, Rivne dhe Ivano-Frankivsk temperaturat ranë deri në -28 ° C. Zyrtarët ukrainas të shëndetësisë deklaruan (më 16 shkurt) se 151 njerëz kishin vdekur për shkak të të ftohtit, numri më i madh në Evropë.
