Java e ardhshme në rajonin tonë siç kemi theksuar edhe në postimet tona paraprake do të jetë shumë interesante. Edhe sonte modelet parashohin disa vorbulla ciklonike të cilat nga Atlantiku nëpër Mesdhe do të depërtojnë në drejtim të rajonit tonë. Reshjet e sontme janë të parat të këtyre masave të paqëndrueshme ajrore që na vijnë nga Atlantiku.
Javën (në fiillim) e ardhshme pritet që ajri i ftohtë nga veriu i Evropës të përfshijë rajonin tonë me reshje kryesisht të dobëta dhe lokale bore, megjithatë nga dita e Enjte nga Mesdheu do të depërtojnë përsëri disa vorbulla ciklonike të cilat do të përmbajnë lagështi por edhe jaër të nxehtë dhe do të fuqizohen në kontakt me ajrin e ftohtë mbi rajonin tonë. Edhe sonte modelet “shohin” reshje atmosferike (Shi-Borë), varësisht nga pozicioni i ciklonit dhe ajrit të ftohtë dhe të nxehtë. Detaje nuk mund të përcaktojmë nga ky moment por reshje atmosferike do të ketë mjaft. Na mbetet të shpresojmë që cikloni të zërë pozicionin që na duhet që reshjet të na vijnë në formë dëbore. Ndryshimet në parashikim do të ndodhin sa i përket sasisë dhe llojit të reshjeve sepse janë pyetje disa ditë, por ne do ti përcjellim dhe do tju njoftojmë me kohë për çdo ndryshim eventual./Meteoballkan.
