Sot në Kosovë do të mbajë mot me vranësira dhe intervale të gjata kohore me diell. Do të fryjnë erëra mesatare e nganjëherë edhe të fuqishme nga juglindja, jugu dhe jugperëndimi. Në pjesën veriperëndimore dhe perëndimore të Kosovës mund të ketë riga shiu.
Në Shqipëri mot me vranësira të theksuara, në veri të vendit me rrebeshe shiu ndërsa në veriperëndim bregdet dhe jug me riga lokale shiu. Në rajonet tjera kryesisht thatë.
Në Maqedoni mot i nxehtë me erëra, vranësira kalimtare dhe intervale kohore me diell por pa reshje.
Të Hënën në tërë rajonin tonë do të mbajë mot kryesisht i thatë dhe me vranësira kalimtare si dhe me intervale të gjata kohore me diell.
Të Martën në Shqipëri me riga dhe rrebeshe lokale shiu pasdite përpos lindjes dhe juglindjes së vendit ku pritet të jetë kryesisht thatë. Në Kosovë dhe Maqedoni me vranësira, intervale kohore me diell dhe ndonjë rigë të dobët shiu.
Nga e Mërkura thatë përsëri dhe nxehtë!/ Meteoballkan.
