Sot në gati krejt kontinetin evropian mbajti mot mjaft i këndshëm pranveror, ndërsa në rajonin tonë ishte mjaft nxehtë duke u thyer edhe rekorde për temperatura të larta siç ndodhi në Kroaci.
Edhe në rajonin tonë të ngushtë mbajti mot pranveror sot me rreze të shumta diellore, por të cilat filluan ta humbin shkëlqimin e tyre për shkak të prezencës së grimcave të pluhurit nga Shkretëtira e Saharasë. Në mesditë në Kosovë pati ulje të lehta të temperaturave për arsye të erërave verilindore.
Mot mjaft i nxehtë për këtë periudhë kohore do të vazhdojë edhe dy ditë me mundësi për thyerje të reja të rekordeve, ndërsa i ftohti ekstrem është tërhequr në verilindje të Kontinentit dhe në Siberi ku është duke “pritur” çastin e volitshëm për tu rikthyer përsëri gjatë muajit Mars nëse këtë do ta lejojë situata sinoptike./Meteoballkan
