Simulimet më të fundit të modeleve numerike globale për parashikim të motit rezultojnë me një mot jashtëzakonisht dinamik në rajonin tonë ditëve të ardhshme, veçanërisht në fund të kësaj dhe fillim të javës tjetër.
Priten të gjitha prapë, reshje shiu vende-vende mjaft të dendura sidomos në Shqipërinë veriore dhe jugore, lokalisht edhe në vise tjera. Përsëri priten reshje të dendura në Dukagjin si në Junik, Deçan, ndoshta edhe në Gjakove dhe Pejë, por këto të dhëna gjithsesi do të ndryshojnë dhe çdo lëvizje edhe më e vogël e rrugëtimit të cikloneve mund të ndryshojë distribuimin ose llojin dhe sasinë e reshjeve atmosferike.
Përgjegjëse për këtë mot jashtëzakonisht dinamik janë fushat e fuqishme ajrore me presionit të ulët atmosferik të cilat nga Atlantiku do të depërtojnë në Detin Adriatik ku do të krijohen vorbulla të fuqishme të cikloneve sekondare ose dytësore të cilat do të rrugëtojnë mes përmes Gadishullit Ballkanik
Sipas ecurive aktuale në veri të Shqipërisë dhe jug priten përmbytjet e reja janë pothuajse të pashmangshme, po ashtu edhe në viset e Dukagjinit që i përmendëm më lartë, por të theksojmë prapë se ditëve të ardhshme me përditësimet e reja do të ndryshon sasia, por edhe vendi ku do të ketë reshje.
Po ashtu bazuar në ecuritë aktuale sinoptike pas reshjeve të shiut në fillim të javës tjetër një ciklon i ri do të sjellë edhe reshje të dendura bore veçanërisht në territorin e Republikës së Kosovës, veri, verilindje, juglindje të Shqipërisë si dhe tërë territorin e Maqedonisë së Veriut, por edhe kjo nuk është definitive, prandaj pasi që parashikimi është për shumë ditë ju rekomandojmë që ta merrni me një dozë rezerve për arsye që mos të pasojë zhgënjimi pastaj.
Gjatë dy ditëve të ardhshme do të sqarohen gradualisht edhe detajet për gjendjen sinoptike dhe nëse është e nevojshme ne gjithsesi do të dalim me një paralajmërim të ri./Meteoballkan
