Në fotografinë kryesore kemi të gjithë Hemisferën Veriore. Me ngjyrë të kaltërt shihet masa ajrore e ftohtë polare që është permanente në polin verior. Por, mund të shihni një shkëputje të një masivi ajror nga Rrethi Polar niset dhe përfshinë Evropen dhe vjen drejt në Ballkan.
Pikërisht kjo masë e ftohtë ajrore do të shkaktojë destabilizim mjaft të fuqishëm të motit në gati tërë Kontinentin e Vjetër ku me depërtime tjera nga Atlantiku do të ketë kushte për stuhi shiu e bore varësisht nga vendi në vend dhe rajoni në rajon.
Të gjitha parashikimet afatgjata jepnin një mot të butë dhe të ngrohtë në Dhjetor dhe këtë e kemi dëgjuar edhe në Televizor shumë herë, por kjo masë e ftohtë ajrore që shihet mund ti demantojë të gjitha modelet afatgjata dhe ekspertët meteorologjik.
Sidoqoftë, fillimi i një sezone të ftohtë dhe me borë (fund-Nëntor, fillim-Dhjetor) është indikacion i fortë se mund të kemi një dimër të ftohtë dhe me shumë borë, por kjo nuk mund të jetë fakt i kryer, ngase masa e ftohtë ajrore me origjinë polare mund të tërhiqet shpejt atje nga ka ardhur, prandaj të gjitha opsionet janë të hapura për këtë dimër. Mbase është koha të kemi shumë më shumë borë se vitet e kaluara dhe jemi mjaft optimist./MeteoBallkan
