Uragani më i fuqishëm i kësaj sezone dhe një ndër më të fuqishmit në histori “Dorian” tani nuk është më Uragan dhe as Stuhi Tropikale.
Pas goditjes në Kanada si uragan i kategoris 1 Dorian shpejtë u dobësua dhe u shndërrua në Stuhi Tropikale, por me largimin e tij nga Kanadaja tani ex-Dorian hyri në ujërat ftohta të Atlantikut Verior dhe u dobësua edhe më shumë, por prapëseprapë mbetet një sistem i fuqishëm ajror me presion të ulët atmosferik.
Tani “Dorian” llogaritet si Stuhi Extra apo post-Tropikale dhe është duke udhëtuar në Oqeanin Atlantik dhe do të kalojë në mes të Britanisë së Madhe dhe Islandës, duke goditur me periferinë e tij veriun e Britanisë së Madhe dhe jugun e Islandes. Pas kësaj ex-Dorian përfundimisht do të zhvendoset në ujërat oqeanike të Skandinavisë dhe do të përmbushet ose eventualisht do të bashkohet me ndonjë sistem tjetër ajror me presion të ulet atmosferik dhe do të përzihet me masat tjera ajrore globale.
Gjithsesi “Dorian” do të mbahet mend për shkatërrimin e Ishullit Abako dhe Grand Bahame në Ishujt e Bahamas duke lënë edhe viktima të shumta njerëzore dhe duke goditur si Uragan i Kategorisë 5. “Dorian” do të mbetet në histori edhe për shkak të jetëgjatësisë së tij./Meteoballkan
