Stuhi të fuqishme kanë përfshirë sot Francën dhe Zvicrën duke shkaktuar edhe vdekjen e dy personave. Gjithashtu raportohet se ka pasur edhe breshër me madhësi të topit të tenisit. Stuhi të fuqishme me vetëtima, bubullima dhe breshër përpos Francës dhe Zvicrës sot kanë përfshirë edhe Hungarinë, Kroacinë dhe Bosnë dhe Hercegovinën.
Stuhi jashtëzakonisht të fuqishme me shtrnëgata dhe breshër sot kanë përfshirë Dalmacinë në Kroaci, ndërsa stuhi shumë të fuqishme (supercell storms) sot pasdite vonë janë zhvilluar mbi Bosnën Qendrore dhe lindore duke shkaktuar edhe dëme materiale dhe vërshime të shpejta. Ky sistem i fuqishëm frontal është ende aktiv dhe në këto çaste ka përfshirë shumë pjesë të Serbisë ku gjithashtu ka vetëtima dhe bubullima masive si dhe breshër. Breshër pati sot edhe në disa rajone të Kosovës, megjithatë sistemi që sot u zhvillua mbi Kosovë ishte më i dobët në krahasim me këto që po ndodhin në Bosnë dhe Serbi./Meteoballkan
