Temperatura mjaft të larta po mbretrëtojnë sot në tërë Kontinentin Evropian dhe këtë e dëshmon ngjyra e kuqe e cila tregon nxehtësinë.
Përjashtim bëjnë vetëm Britania e Madhe, veriu i Gjermanisë, veriu i skajshëm i Spanjës dhe Francës dhe shumë vise në veri të Skandinavisë ku po mbretërojnë rryma të freskëta ajrore nga Oqeani Atlantik.
Ballkani sot është më i nxehti në Evropë, ndërsa menjëherë pas Gadishullit Ballkanik vjen Spanja e pastaj jugu i Rusisë. Në jug të Malit të Zi dhe Shqipëri ku është më së nxehti sot në Evropë temperatura ka arritur deri në 38 gradë Celsius e ndoshta edhe ndonjë gradë më lartë në zonat e nxehta.
Shumë më nxehtë është në jug të Turqisë ku temperaturat po luhaten nga 40 deri në 45 gradë Celsius për disa ditë me radhë si dhe në Afriken veriore po ashtu./MeteoBallkan
