Cikloni i cili pritet të na sjellë reshje të konsiderueshme atmosferike tani ka filluar të depërtojë në drejtim të Italisë dhe veriperëndimit të Ballkanit. Rrebeshe mjaft të fuqishme kanë përfshirë gjatë pasdites Italinë veriore, ndërsa gjatë mbrëmjes edhe pjesë të Sllovenisë. Në Itali ka pasur dhe ende ka stuhi të fuqishme lokale me vetëtima, bubullimë dhe breshër.
Në këto momente reshje shiu kemi në Slloveni si dhe rrebeshe lokale me vetëtima dhe bubullimë kanë filluar edhe në Kroaci. Reshje të dobëta për momentin ka në disa pjesë të Bosnjës dhe Hercegovines si dhe në Mal të Zi.
Cikloni është duke rrugëtuar në drejtim të jugut të italisë ku do të stacionohet dhe do të fuqizohet duke dërguar lagështinë e Mesdheut në drejtim të Gadishullin Ballkanik.
Pra, gjatë dites reshjet dhe rrebeshet lokale të shiut do të përfshijnë shumë pjesë të Shqipërisë por edhe disa pjesë të Kosovës dhe Maqedonisë së Veriut. Kjo është hyrje e destabilizimit të motit të pritet ditëve në vijim. Gjatë natës së ardhshme shumë pjesë të Shqipërisë do të përfshihen nga rrebeshe të fuqishme shiu me vetëtima dhe bubullimë. Reshje të herëpashershme priten edhe në Kosovë dhe Maqedoninë e Veriut, ndërsa situatë e ngjashme pritet edhe ditën e hënë, me reshje të shpeshta shiu, me pauza të herëpashershme dhe rigjenerim të reshjeve.
