Fronti i fuqishëm arktik ka përparuar në Ballkan dhe ka arritur deri në Bosnjë dhe Hercegovinë duke shkaktuar erëra të fuqishme veriore, ulje të temperaturave dhe reshje bore, madje edhe në bregdetin slloven dhe disa pjesë të bregdetit kroat.
Tek ne temperaturat kanë arritur kulmin e nxehtësisë për arsye se gjithmonë para frontit të ftohtë rriten temperaturat dhe kjo ditë e bukur pranverore nesër do të kalojmë nga pranvera direkt e në dimër.
Siç kemi theksuar edhe në postimet paraprake fronti i ftohtë arrin në Kosovë diku afër mesnatës eventualisht një orë para ose prapa. Fronti do të kushtëzojë edhe reshje bore, vende-vende intensive gjatë natës dhe mëngjesin e së mërkurës.
Temperaturat do të pësojnë ulje drastike gjatë së mërkurës dhe së enjtës. Vende-vende në Kosovë pritet të formohen edhe shtres bore sidomos në veri dhe disa pjesë të Dukagjinit e veçanërisht në viset kodrinore-malore. Shtresa bore do të ketë edhe në shumë ultësira të Kosovës. Ndoshta më së paku reshje bore priten në lindje dhe juglindje të Kosovës./Meteoballkan
