Pas kalimti të frontit të dobët sot kemi ulje të lehta të temperaturave, më të theksuara në viset kodrinore-malore për shkak të erërave mjaft të freskëta veriore dhe veriperëndimore, ndërsa në bregdet motit është kryesisht stabil dhe i këndshëm dhe fronti nuk do të ndjehet aq. Vende-vende pati rrebeshe të izoluara me bubullimë.
Nga nesër moti pritet të ketë tendenca stabilizimi për shkak të ndikimit të një mase kryesisht stabile antciklonike, por rënja e temperaturave do të jetë evidente sonte dhe nesër në viset kontientale, megjithatë nga mesdita e nesërme temperaturat pritet të rriten shpejtë.
Ditëve të ardshme na pret mot kryesisht stabil, me intervale të gjata kohore me diell dhe vranësira. Do të jetë mot ideal për disa ditë pushime, ngase në bregdet temperaturat pritet të jenë solide rreth 28 gradë Celsius ato maksimale, por gjatë fundjavës duhet llogaritur në shtim të disa vranësirave të cilat mund të pengojnë rrezet diellore herë pas here. Edhe pse priten vranësira, temperaturat mbesin solide edhe gjatë fundjavës, madje edhe gjatë fillimit të javës së re pritet mot kryesisht stabil, me vranësira dhe intervale të gjata kohore me diell. Rrebeshe afatshkurtra shiu mund të ketë në jug dhe lindje të Shqipërisë si dhe në Maqedoninë Veriore gjatë së dieles dhe të hënën./Meteoballkan