Që nga dita e nesërme në Kosovë përsëri do të katë gjasa që të paraqiten rrebeshet lokale të shiut me vetëtima dhe bubullimë. Edhe nesër reshjet nuk do të jenë gjithëpërfshirëse. Atmosfera në Kosovë do të destabilizohet fuqishëm nga dita e martë ku pasdite priten rrebeshe lokalisht të fuqishme shiu me vetëtima, bubullimë dhe mundësi edhe për breshër. Reshjet më të fuqishme Kosova do ti ketë të mërkurën kur priten reshje të dendura shiu herë pas here. Këto reshje ka shumë mundësi që të jenë gjithëpërfshirëse. Vende-vende priten edhe rrebeshe të fuqishme shiu me vetëtima dhe bubullimë. Priten ulje të ndjeshme të temperaturave.
Këto reshje do të jenë jashtëzakonisht të mirëseardhura duke pasur parasysh se gjendemi në mes të Korrikut dhe shumë pjesë të rajonit tonë po kalojnë periudhë të gjatë thatësie. Informacione dhe detaje tjera në postimet tona të ardhshme./Meteoballkan
