Sistemet frontale nga Evropa sot përfshijnë Ballkanin duke kushtëzuar stuhi të fuqishme me shira të rrëmbyeshëm ku fillimisht pritet të goditet Sllovenia, pastaj Kroacia dhe Hungaria e më tutje edhe pjesë të Bosnjë dhe Hercegovinës, Serbisë dhe Rumanisë.
Në territoret tona sot priten jo-stabilitete para-frontale ku lokalisht priten rrebeshe shiu me vetëtima dhe bubullimë duke mos përjashtuar mundësinë për ndonjë stuhi të izoluar. Sistemet frontale në territoret tona arrijnë të shtunën, megjithatë do të jenë paksa më të dobëta krahasuar me Evropen dhe pjesë të Ballkanit verior e veriperëndimor. Sidoqoftë këto sisteme nuk duhet të nënvlerësohen.
Pas rritjes së madhe të temperaturave ardhja e masave më të ftohta ajrore dhe kontakti mes tyre po shkakton procese mjaft të bujshme atmosferike në Evropë dhe Ballkan dhe këto sisteme po levizin drejt lindjes, ndërsa ne do ti ndjejmë gjatë fundjavës./METEOBALLKAN
