Sot në tërë rajonin tonë po mban mot më stabil krahasuar me ditët e kaluara, edhe pse në disa vende ka reshje të rralla dhe të izoluara shiu. Mot i ngjashëm do të mbajë edhe ditën e nesërme. Temperaturat do të shënojnë ngritje por gjithashtu do të kemi edhe shtimin e vranësirave në disa rajone. Erërat do të fillojnë të fryjnë nga jugu si pasojë e afrimit të ciklonit i cili në këto momente është krijuar dhe strukturuar në Mesdhuen perëndimor siç shihet në foto.
Cikloni do të sjellë nesër vranësira të herëpashershme por jo reshje. Reshje të dobëta dhe afatshkurtëra shiu do të sjellë gjatë orëve të natës në të hënën. Të hënën priten reshje të cilat lokalisht do të jenë pak më intensive, ndërsa nuk përjashtohen edhe rrebeshe lokale shiu me vetëtima dhe bubullimë./Meteoballkan
