Në këto çaste në Evropën veriperëndimore dhe veriore kemi sisteme të fuqishme ajrore me presion të ulët atmosferike gjegjësisht masa ajrore jo-stabile ciklonike të cilat kushëzojnë mot mjaft të paqëndrueshëm.
Edhe ne nesër do të jemi pjesërisht nën ndikimin e këtyre masave ajrore, por ne do të gjendemi në sektorin e nxehtë e këtyre masave ajrore. Në mbrëmje afrohen masat e ftohta ajrore të cilat pritet të fillojnë të kushtëzojnë reshje shiu të cilat gradualisht do të shtrihen në tërë rajonin gjatë ditës së hënën.
Me depërtimin e këtyre masave ajrore drejt rajonit tonë, pikërisht mbi territoret tona do të krijohet një ciklon i fuqishëm të hënën i cili do të drejtohet në lindje të Kontinentit, drejt Bullgarisë, Rumanisë, Detit të Zi dhe Ukrainës. Ndërkohë të hënën cikloni do të jetë mbi territoret tona dhe për këtë arsye na pret mot mjaft i paqëndrueshëm me reshje shiu e bore. Vende-vende priten reshje të dendura shiu, ndërsa në viset kodrinore-malore reshje të dendura bore. Me uljen e temperaturave nga erërat veriore reshje shqote e bore priten edhe nëpër disa ultësira të Republikës së Kosovës dhe Maqedonisë, por nuk pritet borë në tërë territorin.
Në fund të themi se edhe nesër do të jemi nën ndikimin e masave relativisht të ngrohta që vijnë nga Mesdheu, ndërsa nga e hëna priten ulje të theksuara të temperaturave, reshje shiu e bore dhe erëra të ftohta veriore.
Nga e marta reshjet do të jenë më të pakta dhe më sporadike, por do të mbetet mjaft ftohtë./Meteoballkan
