Kulminacioni i inkursionit të parë siberik gjatë këtij dimri ishte gjatë natës së kaluar ku temperaturat u ulën deri në -15 gradë Celsius edhe nëpër ultësira, ndërsa në viset e larta sigurisht se ishte edhe më ftohtë.
Ajri i ftohtë siberik me origjinë arktike edhe sot gjendet në rajonin tonë dhe për këtë arsye edhe sonte gjatë natës pritet acar, normalisht pak i butë se natën e shkuar. Temperaturat minimale pritet të luhaten nga -4 deri në -12 gradë Celsius, lokalisht në ndonjë rajon malor mund të jetë edhe më ftohtë.
Nga dita e nesërme do të fillojë të depërtojë ajri i ngrohtë nga Atlantiku dhe Mesdheu i cili pritet ta “dëbojë” gradualisht ajrin siberik nga rajoni ynë. Edhe nesër lokalisht gjatë natës pritet acar, por pritet të jetë shumë më i butë.
Në fotografinë kryesore kemi temperaturat minimale gjatë natës së kaluar në rajon dhe Kosovë./Meteoballkan