Masat e ftohta ajrore kanë përfshirë rajonin tonë me ardhjen e frontit të fuqishëm gjatë ditës së djeshme, por nuk është edhe aq ftohtë duke pas para sysh se jemi në fillim të Shkurtit. Ndjesinë e të ftohtit po e fuqizojnë erërat e veriut.
Sidoqoftë sonte gjatë natës pritet kthjellim i përkohshëm i motit, ndërsa erërat do të dobësohen. Temperaturat minimale pritet të luhaten nga -2 deri në -4 nëpër ultësira. Pak më ftohtë në viset malore. Më së ftohti pritet të jetë në malet e Shqipërisë në lindje të vendit dhe perëndim të Maqedonisë së Veriut ku temperatura mund të ulet deri në -12 gradë Celsius.
Nga nesër stabilizim i motit, dobësim i erërave dhe nga pasnesër (e enjte) priten edhe rreze të shumta diellore me mot kryesisht stabil./MeteoBallkan