Orëve në vazhdim në shumë pjesë të Kosovës pritet përsëri destabilizim i atmosferës. Pritet të kemi zhvillim të fuqishëm të vranësirave të cilat do të sjellin rrebeshe lokalisht të fuqishme shiu me vetëtima dhe bubullimë. Kjo vlenë për shumë pjesë të Kosovës si veri, veriperëndim, verilindje, qendër , lindje etj. Do të jenë këto stuhitë e fundit të ciklonit i cili që disa ditë më radhe është duke ndikuar në rajon. Rrebeshe lokale priten edhe në Maqedoninë e Veriut dhe shumë më të rralla në Shqipëri.
Disa nga këto stuhi përsëri mund të shkaktojnë probleme në shumë pjesë të Republikës së Kosovës. Në mbrëmje pritet stabilizim i motit. Nesër pritet të kemi përmirësim substancial të motit dhe ngirtje të theksuar të temperaturave. Pasnesër edhe më nxehtë./Meteoballkan
